Казачная Сігішоара aka горад Дракулы

Калі хто не ведае яшчэ, то я на восем месяцаў паехала ў румынскі горад Клуж-Напока валанцёріць.

Прабачце, што пакуль няма фотачак з самога Клужа, але вось посцік з Сігішоары)

Я трапіла ў Сігішоару разам са своемі калегамі- валанцёрамі ў суботу за пару дзён да Раства - і гэта было вельмі трапна, бо амаль не было турыстаў ці гараджан (у Румыніі ў выходныя дні ўвогуле няма людзей на вуліцы - усе сядзяць па дамам;).

Румынская назова горада - гэта ж, канешне, Сігішоара - Sighişoara, аўстрыйскае - Шэсбург, вугорскае (бо Трансільванія - гістарычная частка Румыніі - з Сярэднявечча і амаль да канца Другой Сусветная была ў складзе Вугоршчыны (тут і зараз каля 50 % адсоткаў насельніцтва - вугорцы)) - Шэгешвар.

Перш за ўсё, горад вядомы тым, што ў ім нарадзіўся і жыў той самы Ўлад Цэпеш aka граф Дракула. Але ж мы ўсе ведаем, што ірландскі махляр Брэм Стокер ніколі не бываў ані ў Сігішоары, ані ў Трансільваніі, таму ўсе гэтыя турыстычныя маркетынгі з дракуламі і вампірамі выглядаюць меганенатуральнымі - Улад Дракул для мясцовай гісторыі гэта прыкладна як для нас Мікалай ІІ у Магілёве. Легендарна-гістарычная асоба, якая тут некалі жыла-бывала, і на гэтым можна зарабіць бабкі).

Па-другое, у Сігішоары захаваўся ўвесь гістарычны цэнтр - готыка, крыху рэнесанса, досыць шмат барока, крыху менш класіцызму, неаготыка... і разнакаляровыя будыначкі - як ў казках пра рыцараў, прыгожых кабет ды шпільманаў). Дарэчы, цэнтр горада ў спісе Юнэска. Летам усходнееўрапескія аматары Сярэднявечча ладзяць тут свае імпрэзы.